¿ QUÉ É CSI-CSIF ?

CSI-CSIF nace coma unha confederación de sindicatos independentes que integraba a asociacións sectoriais tales coma Asociación Estatal de Profesores de Bachillerato (APB), Federación de Sindicatos de Profesorado Estatal (FESPE), Sindicato de Profesorado Estatal de EGB, Asociación de Funcionarios del Estado y de la Seguridad Social (ASFESS), Sindicato Profesional de Funcionarios de Instituciones Penitenciarias e moitas máis. Todos eles hoxe constitúen CSI-CSIF, un sindicato profesional e independente con implantación en tódolos ámbitos da Administración Central, Autónomica e Local, implantación que queremos potenciar defendendo os intereses e as condicións de traballo de tódolos funcionarios e persoal laboral ó servicio das Administracións Públicas.

Hoxe CSI-CSIF está presente en tódalas Mesas de Negociación do Sector Público independentemente do ámbito Sectorial ou Territorial. CSI-CSIF é tamén un Sindicato Europeo, como membro de EUROFEDOP (Federación Europea de Persoal dos Servicios Públicos) e da CESI (Confederación Europea de Sindicatos Independentes), participa, a través destas Organizacións nos diferentes foros de debate que compoñen o Diálogo Social Europeo. Por outro lado, CSI-CSIF ten tamen presenza nos foros mundiais da Educación ó formar parte da CSME (Confederación Sindical Mundial do Ensino), nos que participa nas diferentes reunións trimestrais que se organizan para debatir sobre o ensino a nivel mundial.

O Sindicato Profesional e Independente mantén estes principios, por riba de calquera outro, nas negociacións, na defesa dos intereses dos traballadores nas demandas específicas de grupos profesionais, ofrecendo aos traballadores participación na elaboración das súas plataformas reivindicativas, unha negociación transparente nas súas actuacións con ausencia de coaccións e demagoxias; e sen mesturala con estructuras políticas que condicionen a acción sindical. Neste afán negociador, que ten como esencia a reivindicación e como principal obxetivo negociar con eficacia e profesionalidade, CSI-CSIF busca o desenvolvemento do traballador como persoa, onde o primordial é o ser humano e a súa dignidade persoal e profesional. CSI-CSIF é un Sindicato Solidario que dá resposta aos teus problemas sociolaborais, mantendo como obxetivo unha maior xustiza social a través dunha máis xusta distribución da riqueza. CSI-CSIF é un sindicato moderno e en continuo crecemento. Un sindicato con presencia nas Mesas de Negociación e nos Convenios Colectivos e co respaldo de moitos miles de traballadores e traballadoras que o potencian como un sindicato de futuro.

Fronte aos sindicatos de clase, CSI-CSIF rexeita esa cultura, ancorados en concepcións trasnoitadas onde o traballador é unha forza de traballo con conciencia de clase; e fronte aos sindicatos sectoriais cunha clara afinidade á empresa, sen capacidade de negociación e sen posibilidades de defender os intereses dos traballadores; CSI-CSIF preséntase como unha verdadeira e única alternativa xa consolidada. Recentemente, no pasado 2004 acabamos de cumprir os nosos 25 anos de Historia. Desde a súa fundación como sindicato, ata agora, como un sindicato Profesional e Independente consolidado, foron moitos os avances e moitas as loitas por mellorar as condicións de traballo.

Gracias ó esforzo de tódos os que formamos CSI-CSIF , afiliados, delegados sindicais, órganos de decisión, en definitiva, persoas que durante todo este tempo traballaron con CSI-CSIF ou se sentiron identificadas con este sindicalismo; gracias a todos eles, hoxe CSI-CSIF, pese a ser un sindicato xove, é unha auténtica realidade que afianzou a súa presencia na sociedade a través da eficacia nas súas actuacións.