Documento conxunto entregado ó MEC.

Ver nota informativa de CSI-CSIF.

No día de onte, 30 de Abril, CSI-CSIF xunto cos demáis sindicatos que conformamos a plataforma unitaria (CCOO, ANPE, FETE-UGT e STEG) chegamos a un acordo coa Consellería de Educación para restaurar as condicións de xornada continuada en sesión de mañá nos meses de xuño e setembro para o vindeiro curso e abrir un proceso negociador sobre melloras nas condicións de traballo do profesorado galego; desconvocándose deste xeito a folga de profesorado que esta plataforma tiña convocada para o vindeiro día 3 de Maio.

O acordo acadado onte pola tarde, deixa sin efecto a folga prevista para o día 3, restaura a xornada continuada en sesión de mañá para o vindeiro curso, que a Consellería unilateralmente modificara coa orde do calendario escolar 2007/2008 e abre un proceso de negociación sobre reducción de xornada para o profesorado e para modificar a orde que regula a implantación de xornada continuada nos centros públicos, unha vella reivindicación de CSI-CSIF que de sempre demandaba a xornada continuada para todos.

Para CSI-CSIF, este acordo ven a satisfacer as demandas feitas tanto por este sindicato como pola plataforma no senso de que, en virtude do conxunto de mobilizacións levadas a cabo pola plataforma nas datas pasadas, e cun calendario de continuidade previsto, a Consellería non tivo máis remedio que ceder ante as reivindicacións sindicais e sentarse a negociar a reforma do calendario previsto; cumpríndose así unha das vías posibles de resolución dun conflicto entre administración e traballadores: Pola presión sindical chégase a un acordo, ó tempo que se desconvocan as mobilizacións previstas.

Este acordo asinado no día de onte, permitirá:

Medidas que de xeito directo incidirán non só en melloras das condicións de traballo do profesorado, senón que tamén facilitarán a creación de máis emprego no ensino, ó reducirse a xornada de traballo e ampliar os catálogos.

Por todo elo, CSI-CSIF valora como positivo este acordo asinado, que ademáis pon fin ás mobilizacións previstas para os vindeiros días ó ceder a Consellería ante as presións das organizacións convocantes. Unha vez máis, púxose de manifesto a eficacia da presión sindical e dos traballadores á hora de negociar, con resultados satisfactorios.

Os sindicatos asinantes do acordo de homologación fixémoslle entrega nesta reunión á Consellería un documento onde se plantexan os puntos dos que debe partir esta negociación.

CSI-CSIF valora como positivo esta apertura das negociacións, xa que desta maneira conseguirase corrixir o posible desfase que se produciría despois da aplicación dos distintos acordos que neste momento hai asinados en tódalas comunidades. A día de hoxe, pese a que moitas fontes indican outra cousa, os docentes galegos, á espera de que se faga efectivo o último tramo do acordo actual, estamos no medio da táboa; e o que se pretende con esta nova negociación é adiantarnos á situación que se daría máis alá de outubro de 2006, unha vez rematado o actual acordo.